1. Appenzeller Jugendturnfest Waldstatt 2022

I bi Nina nüni und im Handball. Mir het hüt bsunders guet de Ninja Worrior gfalle. Es isch schwer gsi a de Ring überehangle. Süs hani no bim Hindernisslauf und bim Handballparkour mit gmacht. I mach nöchstmol wieder mit. I hans mega cool gfunde.

Hoi i bi Paula, zehni und bi im Gräteturne. I ha cool gfunde das i mi mit mine kollege ha chöne frei bewege, spiele und gmeinsam de tag han chöne gnüsse. Nöchstmol werd i während dem Uftritt no me s’Publikum alache. S’coolschte Erlebniss isch gsi das s’Publikum so mit klatscht het und natürli das mir e 10.00 übercho hend. Schwirig isch gsi das i mi in Spagat ha möse abedrucke das me nöd merkt das i de Spagat nöd ganz cha. I freu mi uf s’nöchtmol i bin wieder debii.

I bi Luana, elfi und mach Leichatletik und Geräteturne. I ha hüt bim Geräteturnen, Wiitsprung und Pendelstaffete mitgemacht. Es het Spass gmacht well i ha chöne de Chopf usschalte und Spass ha. De Wiitsprung isch mir mega guet gange well i e neue PB mit 4.02 Meter gmacht ha.

I bi de Ivo. I bin de für verantwortlich gsii zum alles organisiere und han am Sunntig als Leiter dörfe understütze. I han d’Jugi, s’Handball, d’Leichtathletik und s’Gräteturne dörfe im vorhinein as Jugendturnfescht in Waldstatt ahmelde. Hüt morge han i de Verein zum Start ahgmolde und am Nomi de Verein unterstützt. S’Beste vom hütige Tag isch gsi das s’Gräteturne e 10.00 absolviert het und das mir au alli zeme gwunde hend und erfolgrich hend chöne de Tag beende. Es isch e super atmosphäre gsi, und nöchscht mol bin au i wieder debii. I freu mi.

 

Als Spidergirls hend mir en superguete Uftritt chöne anelegge. Mir sind mega zfride und hend en gmeinsame Tag mit de Gruppe, em Verein und üsere Liideschaft chöne gnüsse.